ಸಾಂ.ಅಂತೋನ್ ಕೆರೆಕಟ್ಟೆ ಪುಣ್ಯ ಶೆತಾಚೊ ಜುಬ್ಲೆವ್ ಸಂಭ್ರಮ್ ಆನಿ ವಾರ್ಷಿಕ್ ಮಹಾ ಪರಬ್

Published On : 13 Jun 2017 | Reported By : Bernard J Costa

ಕುಂದಾಪುರ್, 13: ಸಾಂತ್ ಅಂತೋನ್ ಕೆರೆಕಟ್ಟೆ ಪುಣ್ಯ್ ಶೆತ್ ಆರಂಭ್ ಜಾವ್ನ್ ಪನ್ನಾಸವೆ ವರಸ್ ಜಾಲ್ಯಾನ್ ಭಾಂಗ್ರಾಳೊ ಜುಬ್ಲೆವಾಚೊ ಸಂಭ್ರಮ್ ಆನಿ ಸಾಂ.ಅಂತೋನಿಚೆ ಮಹಾ ವಾರ್ಷಿಕ್ ಪರಬ್ ಕುಂದಾಪುರ್ ವಾರಾಡಾಚ್ಯಾ ಕೆರೆಕಟ್ಟೆ ಪುಣ್ಯ್ ಶೆತಾಂತ್ ಚಲ್ಲೊ.

ಹ್ಯಾ ಕಾರ್ಯಾಕ್ ಉಡುಪಿ ದಿಯೆಸಿಜಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ ಜೆರಾಲ್ಡ್ ಐಸಾಕ್ ಲೋಬೊ, ಮಂಗ್ಳೂರ್ ದಿಯೆಸಿಜಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ ಆಲೋಶಿಯಸ್ ಪಾವ್ಲ್ ಡಿಸೋಜಾ, ಶಿವಮೊಗ್ಗಾ ದಿಯೆಸಿಜಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ ಫ್ರಾನ್ಸಿಸ್ ಸೆರಾವೊ ಹಾಣಿ ತೆಗಾಯ್ನಿ ಮೆಳೊನ್ ಹೊ ಸಂಭ್ರಮ್ ಚಲಯ್ಲೊ.

ಶಿವಮೊಗ್ಗಾ ದಿಯೆಸಿಜಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ|ಫ್ರಾನ್ಸಿಸ್ ಸೆರಾವೊನ್ ಪ್ರಸಂಗ್ ದಿಂವ್ನ್ ‘ದೆವಾಚೆ ಉತರ್ ಆಯ್ಕೊನ್ ತ್ಯಾ ಪರಿಂ ಪಾಳಿಜೆ, ತೆಂ ಆಮ್ಚ್ಯಾ ಜಿಣಿಯೆಂತ್ ಮಾಂಡುನ್ ಹಾಡಿಜೆ, ಲ್ಹಾರಾಂ ಆನಿ ದರ್ಯೊ ವಿಂಗಡ್ ನ್ಹಯ್, ನರ್ತಕಿ ಆನಿ ನರ್ತನ್ ವಿಂಗಡ್ ನ್ಹಂಯ್ ತಶೆಂ ಆಮಿ ಆನಿ ದೇವ್ ವಿಂಗಡ್ ನ್ಹಯ್, ಆಮ್ಚೆ ಜಿವಿತ್ ದೆವಾಚೆ ಮಂದಿರ್ ಜಾವ್ನಾಸಾ, ತ್ಯಾ ಭಾಶೆನ್ ಆಮಿ ಜಿಯೆಜೆ, ದೆವಾಚಿ ಖುಷಿ ಸಮ್ಜೊನ್ ಆಮಿ ಬರಿ ಜಿಣಿ ಜಿಯೆಜೆ’ ತಾಣಿ ಪ್ರಸಂಗ್ ದಿಲೊ.

ಪವಿತ್ರ್ ಬಲಿದಾನಾಚೊ ಪ್ರಧಾನ್ ಜಾವ್ನ್ ಮಂಗ್ಳೂರ್ ದಿಯೆಸಿಜಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ ಆಲೋಶಿಯಸ್ ಪಾವ್ಲ್ ಡಿಸೋಜಾನ್ ಸಂಭ್ರಮಿಕ್ ಬಲಿದಾನ್ ಭೆಟಯ್ಲೆಂ. ಪವಿತ್ರ್ ಬಲಿದಾನ ಉಪ್ರಾಂತ್ ನವ್ಯಾನ್ ಭಾಂದುಕ್ ಆಸಲ್ಯಾ ತೋರಿಚಿ ಘಾಂಟ್ ಬೆಂಜಾರ್ ಕರ್ನ್, ಘಾಂಟ್ ಮಾರ್ನ್ ಉಗ್ತಾವಣ್ ಕರ್ನ್ ‘ಹ್ಯಾ ಪುಣ್ಯ್ ಶೆತಾಚ್ಯಾ ಭಕ್ತಿಕಾಂಚೊ ಸಂಖೊ ವಾಡೊನ್ ಆಯ್ಲ್ಯಾ ತೆಂ ಧರ್ ಧರ್ ದಿಸ್ತಾ’ ಮ್ಹಣನ್ ಆಪೆÇ್ಲ ಸಂತೋಷ್ ಉಚಾರಿಲಾಗ್ಲೊ. ಸಂಗಾತಚ್ ಹೆಂ ಪುಣ್ಯ್ ಶೆತ್ ಆರಂಭ್ ಕೆಲ್ಯಾ ಆದ್ಲ್ಯಾ ಧರ್ಮಾಧ್ಯಕ್ಷ್ ಅ|ಮಾ|ಬಾಜಿಲ್ ಸೋಜಾಚೊ ಉಡಾಸ್ ಕಾಡ್ನ್ ಕೆರೆಕಟ್ಟೆ ಪುಣ್ಯ್ ಶೆತಾಚ್ಯಾ ಹ್ಯಾ ಪರ್ಬೆ ವೇಳಿ ಪವಿತ್ರ್ ಬಲಿದಾನ್ ಅರ್ಪುಂಕ್ ಅವ್ಕಾಸ್ ಕರ್ಬ್ ದಿಲ್ಯಾಕ್ ಉಪ್ಕಾರ್ ಭಾವುಡ್ಲೊ.

ಅ|ಮಾ|ದೊ| ಜೆರಾಲ್ಡ್ ಐಸಾಕ್ ಲೋಬೊನ್ ತೋರಿಚ್ಯಾ ಬುನ್ಯಾದಾಚೊ ಫಾತೊರ್ ಬೆಂಜಾರ್ ಕರ್ನ್ ತಾಣಿಯಿ ಆದ್ಲ್ಯಾ ಅ|ಮಾ|ಬಾಜಿಲ್ ಸೋಜಾಚೊ ಉಡಾಸ್ ಕಾಡ್ನ್ ಪುಣ್ಯ್ ಶೆತ್ ಆರಂಭ್ ಕರ್ನ್ ಹ್ಯಾ ಪುಣ್ಯ್ ಶೆತಾಚ್ಯಾ ಅಭಿವ್ರದ್ದೆಕ್ ಕಾರಣ್ ಜಾಲ್ಯಾಕ್ ತಾಂಕಾ ದಿನ್ವಾಸ್ ದಿಲೊ. ಸಂಗಾತಾಚ್ ಹ್ಯಾ ಪುಣ್ ಶೆತಾಂತ್ ಜಾಯ್ತಿ ಅತ್ಮಿಕ್ ಕಾರ್ಯಿ ಮಾಂಡುನ್ ಹಾಡ್ಲ್ಯಾತ್ ಭಕ್ತಿಕಾನಿಂ ಹಾಚೊ ಫಾಯ್ದೊ ಜೊಡಿಜೆ’ ಮ್ಹಣನ್ ಉಲೊ ದಿಲೊ.

ಹ್ಯಾ ಸಂಭ್ರಮಿಕ್ ಜುಬ್ಲೆವ್ ಮಹಾವಾರ್ಷಿಕ್ ಪರ್ಬೆಕ್ ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ಮಾ|ಬಾ|ಅನೀಲ್ ಸೋಜ್ ಆನಿ ವಾರಾಡ್ಯಾಚೆಂ, ಬಾಯ್ಲಾ ವಾರಾಡ್ಯಾಚೆಂ ತಶೆಂ ಸಯ್ರೆ ಸಭಾರ್ ಯಾಜಾಕಾನಿಂ ವಾಂಟೊ ಘೆತ್ಲೊ. ಸಕಾಳಿ ಏಕ್ ಮೀಸ್ ಕನ್ನಡಾಂತ್ ಆಸ್ಲೆಂ, ಸಾಂಜೆರ್ ತಿಸ್ರೆ ಮೀಸ್ ಕೊಂಕ್ಣೆತ್ ಆಸ್ಲೆಂ.

ಪುಣ್ಯ್ ಶೆತಾಚೊ ರೆಕ್ಟರ್ ಕ್ಷೇವಿಯರ್ ಪಿಂಟೊ ಹಾಣಿ ಧರ್ಮಾಧ್ಯಕ್ಷಾಂಚೊ ಉಪ್ಕಾರ್ ಭಾವುಡ್ಲೊ. ಲೀನಾ ತಾವ್ರೊನ್ ಕಾರ್ಯೆ ಚಲವ್ನ್ ವೆಲೆಂ.

More News

ಧರ್ಮಸ್ಥಳದಲ್ಲಿ 52ನೆ ವರ್ಷದ ಉಚಿತ ಸಾಮೂಹಿಕ ವಿವಾಹ ಸಮಾರಂಭ: 123 ಜೊತೆ ವಧು-ವರರು ದಾಂಪತ್ಯ ಜೀವನಕ್ಕೆ ಪಾದಾರ್ಪಣೆ

"ದ ಡಾಪರ್ ಷೋ"

ಕೊಂಡೆವೂರು ಮಠಕ್ಕೆ ಶೃಂಗೇರಿ ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಭೇಟಿ

Comment Here