ಮಂಗಳೂರು: ಬಹು ನಿರೀಕ್ಷಿತ ಕಂಬಳ ಮಸೂದೆಗೆ ಗೃಹ ಸಚಿವಾಲಯದ ಅಂಕಿತ ದೊರಕಿದ್ದು, ಇಂದು ಅಧಿಸೂಚನೆ ಹೊರಬೀಳುವ ಸಾಧ್ಯತೆಗಳಿವೆ. ಈ ಮೂಲಕ ಕರಾವಳಿಯ ಜಾನಪದ ಕ್ರೀಡೆ ಕಂಬಳಕ್ಕೆ ಅಧಿಕೃತ ಹಸಿರು ನಿಶಾನೆ ದೊರಕುವುದು ಖಚಿತವಾಗಿದೆ.ಈ ಮಸೂದೆ ರಾಜ್ಯಕ್ಕೆ ಸಂಬಂಧಪಟ್ಟದ್ದಾಗಿದ್ದು,ರಾಜ್ಯದ ಎರಡೂ ಸದನಗಳಿಂದಲೂ ಅಂಗೀಕೃತಗೊಂಡಿದೆ. ಕಾನೂನು ಯಾರು ಮಾಡಬೇಕು ಹಾಗೂ ಕೆಲವೊಂದು ತಾಂತ್ರಿಕ ಅಂಶಗಳ ಹಿನ್ನೆಲೆಯಲ್ಲಿ ಇದನ್ನು ಕೇಂದ್ರ ಸರಕಾರದ ಗೃಹ ಸಚಿವಾಲಯಕ್ಕೆ ಕಳುಹಿಸಿಕೊಡಲಾಗಿತ್ತು. ಈ ಬಗ್ಗೆ ಇದ್ದ ಗೊಂದಲ ನಿವಾರಣೆಯಾಗಿ ಮಸೂದೆಗೆ ಗೃಹ ಸಚಿವಾಲಯದ ಅಂಕಿತ ಬಿದ್ದಿದ್ದು, ಇದನ್ನು ರಾಷ್ಟ್ರಪತಿಗಳ ಬಳಿ ಕಳುಹಿಸುವ ಅವಶ್ಯಕತೆ ಇರುವುದಿಲ್ಲವೆಂದು ಸಚಿವಾಲಯ ಸ್ಪಷ್ಟಪಡಿಸಿದೆ.
