ಕುಂದಾಪುರ್ ಘಟಕ್, ಕುಂದಾಪುರ್ ವಾರಾಡೊ ಕಥೊಲಿಕ್ ಸಭಾ ಅಧ್ಯಕ್ಷ್ ಜೇಕಬ್ ದಿಸೋಜಾಚೊ ಜಲ್ಮಾ ದೀಸ್ ಹುದ್ದೆದಾರಾಂ ಥಾವ್ನ್ ಆಚರಣ್

ಕುಂದಾಪುರ್, ಜೂ.5: ಕುಂದಾಪುರ್ ಫಾತಿಮಾ ವಾಡ್ಯಾಂತ್ ವಸ್ತಿ ಕರ್ಚೊ ಮಾನೇಸ್ತ್ ಜೇಕಬ್ ಡಿಸೋಜಾ ಕಥೊಲಿಕ್ ಸಭಾ ಕುಂದಾಪುರ್ ಘಟಕ್, ಕುಂದಾಪುರ್ ವಾರಾಡೊ ಅಧ್ಯಕ್ಷ್ ತಶೆಂಚ್ ಕುಂದಾಪುರ್ ಫಿರ್ಗಜೆಚೊ ಉಪಾಧ್ಯಕ್ಷ್ ಜಾವ್ನಾಸಾ.

 

ಹ್ಯಾ ವರ್ಸಾ 66 ವೊ ಜಲ್ಮಾ ದಿವಸ್ ಜಾವ್ನಾಸಾ. ಹ್ಯಾಚ್ ಮೇ ಮಹಿನ್ಯಾಚ್ಯಾ 19 ತಾರೀಕೆರ್ ಹಾಚೆಂ ಸಗ್ಳೆಂ ಕುಟಾಮ್ ಪಯ್ಣಾರ್ ಆಸ್ತಾಂ ಅವಘಡಾಕ್ ಒಳೊಕ್ ಜಾಲ್ಲೆಂ, ಕುಟ್ಮಾಚೆಂ ಸಾಂದೆ ಮಾತ್ರ್ ನ್ಹಯ್ ತಾಚೊ ಎಕ್ ಇಶ್ಟ್ ಆನಿ ದೋಗ್ ಡೈವರ್‍ಯಿ ಮೆಳೊನ್ ಅವಘಡಾಂತ್ ಕಠಿಣ್ ಘಾಯೆಲ್ಲೆ. ತರೀ ಸರ್ವಯಿ ಅಪಾಯಾ ಥಾವ್ನ್ ಬಚಾವ್ ಜಾಲೆಂ.

ಜೇಕಬಾಕ್ ಧರ್ನ್ ಥೊಡೆಂ ಸಾಂದೆ ಕಠಿಣ್ ಘಾಯೆಲ್ಯಾನ್ ತೆಂ ಪೂರ್ತಾ ಮಾಫಾನ್ ಸಾರ್ಕೆಂ ಜಾಂವ್ಕ್ ಆನಿಕಿ ವೇಳ್ ಲಾಗ್ತಾಲೊ, ದೆಕುನ್ ಕುಂದಾಪುರ್ ವಾರಾಡೊ ಆನಿ ಕುಂದಾಪುರ್ ಘಟಕಾಚೆಂ ಹುದ್ದೆದಾರ್ ಜೇಕಬಚ್ಯಾ ಘರಾ ಮೆಳೊನ್ ತಾಚೊ ಜಲ್ಮಾ ದಿವಸ್ ಆಚರಣ್ ಕೆಲೊ. ಹ್ಯಾ ಸಂದರ್ಭಿ ಕುಂದಾಪುರ್ ಫಿರ್ಗಜೆಚೊ ಸಹಾಯಕ್ ವಿಗಾರ್ ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ ಹಾಜಾರ್ ಆಸೊನ್ ತಾಣಿ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

ಹ್ಯಾ ವೊಕ್ತಾಂ ವಾರಾಡೊ ನಿಕಟಪೂರ್ವ್ ಅಧ್ಯಕ್ಷ್ ಫ್ಲೆವನ್ ಡಿಸೋಜಾ, ಕಾರ್ಯದರ್ಶಿ ಶೈಲಾ ಡಿಆಲ್ಮೇಡಾ, ಉಪಾಧ್ಯಕ್ಷ್ ಮೇಬಲ್ ಡಿಸೋಜಾ, ಸಹ ಖಚಾಂಚಿಯಾಗಿ ಜೆರಾಲ್ಡ್ ಕ್ರಾಸ್ತಾ, ಆಮ್ಚೊ ಸಂದೇಶ್ ಪ್ರತಿನಿಧಿ ವಾಲ್ಟರ್ ಜೆ.ಡಿಸೋಜಾ, ಸರಕಾರಿ ಸವಲತಾಯ್ ಮಾಹೆತ್‍ಗಾರ್ ವಿನೋದ್ ಕ್ರಾಸ್ಟೊ, ರಾಜಕೀಯ ಸಂಚಾಲಕ್ ಶಾಂತಿ ಪಿರೇರಾ, ಕೇಂದ್ರಿಯಾ ಪ್ರತಿನಿಧಿ ಪ್ರೆಸಿಲ್ಲಾ ಮೆಂಡೊನ್ಸಾ, ಕುಂದಾಪುರ್ ಕಥೊಲಿಕ್ ಸಭಾಚೊ ನಿಕಟ್ ಪೂರ್ವ ಅಧ್ಯಕ್ಷ್ ವಿಲ್ಸನ್ ಆಲ್ಮೇಡಾ, ಉಪಾಧ್ಯಕ್ಷ್ ವಿಲಿಯಮ್ ಡಿಸೋಜಾ, ಸಹಕಾರ್ಯ ದರ್ಶಿ ನಿರ್ಮಲಾ ಡಿಸೋಜಾ, ಖಜಾನ್ದಾರ್ ಪ್ರೇಮಾ ಡಿಕ್ಹುನಾ ರಾಜಾಕೀಯ ಸಂಚಾಲಕ್ ಬರ್ನಾಡ್ ಡಿಕೋಸ್ತಾ ಹಾಜರ್ ಆಸೊನ್ ಜೇಕಬಾಕ್ ಶುಭಾಷಯ್ ಪಾಠಯ್ಲೆ. ಬರ್ನಾಡ್ ತಶಂಚ್ ರೋಜಾರಿಯೊ ಕೊ.ಆಪ್.ಸ್ೊಸೈಟಿಚೊ ಅಧ್ಯಕ್ಷ್ ಜಾನ್ಸನ್ ಡಿಆಲ್ಮೇಡಾ ಹಾಜರ್ ಆಸ್ಲೊ.

---

---

---

More News

---