ಕುಂದಾಪುರ್ ಕಥೊಲಿಕ್ ಸಭಾ ಥಾವ್ನ್ ಭಾಷಣ್ ಸ್ಪರ್ಧೊ

ಕುಂದಾಪುರ್,ಅ.27: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ) ಹಾಚ್ಯಾ ಕೆಂದ್ರೀಯ ಕಾರ್ಯಕಾರಿ ಸಮಿತಿಚ್ಯಾ ನಿರ್ಣಯ ಪರ್ಮಾಣೆ ಕಥೊಲಿಕ್ ಸಭಾ ಕುಂದಾಪುರ್ ಘಟಕಾನ್ ಅಗೋಸ್ತ್ 21 ವೇರ್ ಕುಂದಾಪುರ್ ಫಿರ್ಗಜ್ ಸಭಾಸಾಲಾಂತ್ ಭಾಷಣ್ ಆನಿ ಕಾಣಿಯೊ ಸಾಂಗ್ಚ್ಯೊ ಸ್ಪರ್ಧೊ ಚಲವ್ನ್ ವೆಲೊ.

 

ಪಯ್ಲ್ಯಾ ಪಾವ್ಟಿಂ ಲ್ಹಾನಾ ಭುರ್ಗ್ಯಾಂಕ್ ಭಾಷಣ್ ಸ್ಪರ್ಧ್ಯಾ ಬದ್ಲಾಕ್ 1-4 ಕ್ಲಾಸ್ ಮ್ಹಣ್ಚ್ಯಾ ಭುರ್ಗ್ಯಾಂಕ್ ಕೊಂಕ್ಣೆಂತ್ ವ್ಹಡ್ಲಿ ಮಾಯ್ಚ್ಯೊ ಕಾಣಿಯೊ ಸಾಂಗ್ಚ್ಯೊ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಹ್ಯಾ ಸ್ಪರ್ಧ್ಯಾಂತ್ ವಿಯೋಲಾ ಬಾರೆಟ್ಟೊ ಪ್ರಥಮ್, ವಿಯೋನಾ ಡಿಸೋಜಾ ದುಸ್ರೆಂ ಸ್ಥಾನ್ ಅಪ್ಣಾಯ್ಲೆ.

ಕೊಂಕಣಿ ಭಾಷಣ್ 5-7 ವ್ಯಾ ವರ್ಗಾಂತ್ಲ್ಯಾ ಭುರ್ಗ್ಯಾಂಚ್ಯಾ ಸ್ಪರ್ಧ್ಯಾಂತ್ ಪ್ರಜ್ವಲ್ ಪಾಯ್ಸ್, ಪ್ರಥಮ್. ಡೆಲ್ವಿಯಾ ಬಾರೆಟ್ಟೊ ದುಸ್ರೆಂ ಸ್ಥಾನ್, 8-10 ವರ್ಗಾಂತ್ಲ್ಯಾ ಭುರ್ಗ್ಯಾಂಚ್ಯಾ ಸ್ಪರ್ದ್ಯಾಂತ್ ಪ್ರಮೀತಾ ಡಿಸೋಜಾ, ಪ್ರಥಮ್. ಜಾಸ್ನಿ ಲಿಯೋನಿ ಡಿಸೋಜಾ, ದುಸ್ರೆಂ ಸ್ಥಾನ್. 16-25 ವರ್ಸಾಂ ವ್ಹಯ್ಲ್ಯಾಂಚ್ಯಾ ಸ್ಪರ್ಧ್ಯಾಂತ್ ವಿನ್ಸಿಲ್ಲಾ ಡಿಅಲ್ಮೇಡಾ ಪ್ರಥಮ್ ಆನಿ ವೇನಿಷಾ ಡಿಸೋಜಾ ದುಸ್ರೆಂ ಸ್ಥಾನ್ ಅಪ್ಣಾಯ್ಲೆಂ.

ಕನ್ನಡ ಭಾಷಣ್ ವಿಭಾಗಾಂತ್ 5-7 ವ್ಯಾ ವರ್ಗಾಂತ್ಲ್ಯಾ ಭುರ್ಗ್ಯಾಂಚ್ಯಾ ಸ್ಪರ್ಧ್ಯಾಂತ್ ವೆನಿಷಾ ಪ್ರಥಮ್. ರೀಷಿಕಾ ಮೊಂತೇರೊ ದುಸ್ರೆಂ ಸ್ಥಾನ್, 16-25 ವರ್ಸಾಂ ವ್ಹಯ್ಲ್ಯಾಂಚ್ಯಾ ಸ್ಪರ್ಧ್ಯಾಂತ್ ದಿವ್ಯಾ ಡಿಮೆಲ್ಲೊ ಪ್ರಥಮ್ ಸ್ಥಾನ್ ಅಪ್ಣಾಯ್ಲೆಂ.
ಸಿಸ್ಟರ್ ಸಿಲ್ವಿಯಾ, ಶಿಕ್ಷಕಿ ಡೋರಾ ಸುವಾರಿಸ್, ಆನಿ ಪ್ಯಾಟ್ರಿಕ್ ಮೆಂಡೊನ್ಸಾ ಸ್ಪರ್ಧ್ಯಾಕ್ ವರಯ್ಣಾರ್ ಜಾವ್ನ್ ಆಪ್ಲಿ ಭೊಗ್ಣಾ ಉಚಾರ್ಲಿ. ಕಾರ್ಯಾಚೊ ಸಂಚಾಲಕ್ ಬರ್ನಾಡ್ ಜೆ.ಕೋಸ್ತಾನ್ ಸ್ವಾಗತ್ ಮಾಗೊನ್ ಕಾರ್ಯೆ ಚಲವ್ನ್ ವೆಲೆಂ. ನಿಯೋಜಿತ್ ಅಧ್ಯಕ್ಷಿಣ್ ಶೈಲಾ ಡಿಆಲ್ಮೇಡಾನ್ ಸ್ಪರ್ದೊ ಚಲವ್ನ್ ವೆಲೊ. ಕಾರ್ಯದರ್ಶಿ ಜೂಲಿಯೆಟ್ ಪಾಯ್ಸ್, ಖಜನ್ದಾರ್ ಪ್ರೇಮಾ ಡಿಕುನ್ಹಾ, ಸಹ ಕಾರ್ಯದರ್ಶಿ ನಿರ್ಮಲ ಡಿಸೋಜಾ ಆನಿ ಇತರ್ ಪದಾಧಿಕಾರಿನಿಂ ಸ್ಪರ್ಧೊ ಚಲಂವ್ಚ್ಯಾಂತ್ ಸಹಕಾರ್ ದಿಲೊ. ವಿನೋದ್ ಕ್ರಾಸ್ಟೊನ್ ಧನ್ಯವಾದ್ ಪಾಠಯ್ಲೆಂ.

 

---

---

---

More News

---