ಮಂಗಳೂರು: ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ ಮಹಿಳಾ ರೋಗಿಯೊಬ್ಬರ ಕೊಠಡಿಯಿಂದ ಚಿನ್ನಾಭರಣ ಸೇರಿದಂತೆ ಮೊಬೈಲ್ ಮತ್ತಿತರ ಸೊತ್ತು ಕಳವು ಮಾಡಲಾಗಿದ್ದು, ಪೊಲೀಸರಿಗೆ ದೂರು ನೀಡಲಾಗಿದೆ.ಅಸೌಖ್ಯದ ನಿಮಿತ್ತ ಪಣಂಬೂರು ನಿವಾಸಿ ಗ್ಲೋರಿ (45) ಬೆಂದೂರುವೆಲ್ನಲ್ಲಿರುವ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು.
ಇವರ ಪುತ್ರ ಪ್ರಭು ಅವರು ಕೂಡಾ ಇದೇ ಕೊಠಡಿಯಲ್ಲಿ ಮಲಗಿದ್ದರು. ರಾತ್ರಿ ಗ್ಲೋರಿ ಅವರು ತಮ್ಮ ಚಿನ್ನದ ಸರವನ್ನು ಕುತ್ತಿಗೆಯಿಂದ ತೆಗೆದಿಟ್ಟು ಮಲಗಿದ್ದರು. 30 ಸಾವಿರ ರೂಪಾಯಿ ಮೌಲ್ಯದ ಚಿನ್ನದ ಸರ, ಪ್ರಭು ಅವರ ಐಫೋನ್, ಚಿನ್ನದ ಉಂಗುರವನ್ನು ಕೊಠಡಿಗೆ ನುಗ್ಗಿದ ಕಳ್ಳರು ಎಗರಿಸಿದ್ದಾರೆ.ಈ ಬಗ್ಗೆ ಪ್ರಭು ಇದೀಗ ಕದ್ರಿ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
