ಮಂಗಳೂರು: ಕರಾವಳಿ ಉತ್ಸವ ಮೈದಾನದಲ್ಲಿ "ನಾನು ಕರಾವಳಿಯ ಕೂಸು" ಎಂದು ಚಿತ್ರನಟ ಪ್ರಕಾಶ್ ರೈ ಹೆಮ್ಮೆಯಿಂದ ಹೇಳಿದರು.ಕರಾವಳಿ ಉತ್ಸವ ಉದ್ಘಾಟಿಸಿ ಮಾತನಾಡಿದ ಅವರು, ನಾನು ಯಾರು ಎಂದು ಪ್ರತಾಪ ಸಿಂಹ ಪ್ರಶ್ನಿಸಿದ್ದಾರೆ. ಅವರಿಗೆ ನಾನು ತವರಿನ ವೇದಿಕೆಯಿಂದಲೇ ಉತ್ತರ ಕೊಡುತ್ತಿದ್ಧೇನೆ. ನಾನು ಪ್ರಕಾಶ್ ರೈ ಅಥವಾ ಪ್ರಕಾಶ್ ರಾಜ್.
ನಾನು ಪ್ರಕಾಶ್ ರೈ ಆಗಿರಲಿ, ಅಥಾವ ಪ್ರಕಾಶ್ ರಾಜ್ ಆಗಿರಲಿ. ಇದರಿಂದ ನಿಮಗೆ ಏನು ಸಮಸ್ಯೆ ಎಂದು ಪ್ರಶ್ನಿಸಿದ್ದಾರೆ.ನಾನು ಕನ್ನಡಿಗ, ನನ್ನಷ್ಟು ಕನ್ನಡಿಗರು ನೀವಲ್ಲ. ನಿಮಗೆ ಅವಾಚ್ಯ ಭಾಷೆ ಗೊತ್ತು. ಆದರೆ ನಮಗೆ ಅದು ಗೊತ್ತಿಲ್ಲ. ಪ್ರಕಾಶ್ ರೈ ನನ್ನ ನಿಜವಾದ ಹೆಸರು. ಪ್ರಕಾಶ್ ರಾಜ್ ಸಿನಿಮಾ ಹೆಸರು. ನನ್ನನ್ನು ಪ್ರಶ್ನಿಸುವ ನೀವು, ರಜನೀಕಾಂತ್, ರಾಜ್ಕುಮಾರ್, ವಿಷ್ಣುವರ್ಧನ್ ಅವರನ್ನು ಪ್ರಶ್ನಿಸುತ್ತೀರಾ ಎಂದು ಸವಾಲ್ ಹಾಕಿದರು.
