ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ನವ್ಯಾ ವರ್ಸಾಚೆ ಆಚರಣ್

‘ಆಮ್ಚಿಂ ವ್ಹಡಿಲಾಂ ಜಿವಿತ್ ಆಸ್ತಾನಂಚ್ ತಾಂಕಾ ಆಮಿ ಖರೊ ಮೋಗ್ ದಿಂವ್ಯಾ’

ಕುಂದಾಪುರ್, ಜ.1.: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಎಕ್ ತಾರೀಕೆರ್ ಸಕಾಳಿ ಸಹಾಯಕ್ ವಿಗಾರ್ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲೊಚ್ಯಾ ಪ್ರಧಾನ್ ಯಾಜಕ್ಪಣಾ ಖಾಲ್ ‘ಆವಯ್ ಜಾವ್ನಾಸಾ ಸರ್ವಾಂಕ್ ಮೊಗಾಚಿ, ರಾಜ್ಯಾಕ್ ರಾಯ್ ಜಾಲ್ಯಾರಿ, ಆವಯ್ಕ್ ಪುತ್ ಮ್ಹಳ್ಯಾ ಬರಿ ಆಮಿ ಸಮಾಜೆಂತ್ ಕಿತ್ಲೆಂಯಿ ವಡ್ಪಣ್ ಜೊಡ್ಲಾರ್‍ಯಿ, ಆವಯ್ಕ್ ಆಮಿ ಭುರ್ಗಿಂ, ಹರ್ಯೇಕ್ಲಾಕ್ ಆಪ್ಲ್ಯಾ ಅವಯಾನಿಂ ಭುರ್ಗ್ಯಾಂಕ್ ಜತ್ನೆನ್, ಮೊಗಾನ್, ಹುಸ್ಕ್ಯಾನ್ ವಾಗಯ್ಲಾ, ತಶೆಂಚ್ ಮರಿಮಾಯ್ ಜೆಜು ಕ್ರಿಸ್ತಾಚಿ ಆವಯ್, ತಿಣೆಯೆ ಕ್ರಿಸ್ತಾಕ್ ತಶೆಂ ವಾಗಯ್ಲಾಂ. ಜೆಜುನ್‍ಯಿ ತಿಚೊ ಅಪರಿಮಿತ್ ಮೋಗ್ ಕೆಲಾಂ. ಆಮಿ ಉಡಾಸ್ ಧವರುಂಕ್ ಜಾಯ್, ಅಮ್ಚಿ ವ್ಹಡಿಲಾಂ ಮೊರ್ತೆರ್, ಮೊರ್ನಾ ವೇಳಿ, ಗದ್ದಾಳಾಯೆನ್ ಮೊರ್ನ್ ಕರ್ಚ್ಯಾಂತ್ ಕಾಂಯ್ಚ್ ಅರ್ಥ್ ನಾ, ಆಮ್ಚಿಂ ವ್ಹಡಿಲಾಂ ಜಿವಿತ್ ಆಸ್ತಾನಂಚ್ ತಾಂಕಾ ಆಮಿ ಖರೊ ಮೋಗ್ ದಿಂವ್ಯಾ’ ಮ್ಹಣನ್ 2018 ನವ್ಯಾ ವರ್ಸಾಚೆಂ ಪವಿತ್ರ್ ಬಲಿದಾನ್ ಭೆಟಂವ್ನ್ ತಾಣಿ ಸಂದೇಶ್ ದಿಲೊ.

 

 

 

ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಪವಿತ್ರ್ ಬಲಿದಾನಾಚ್ಯಾ ಪಯ್ಲೆಂ ಸಾಂಕ್ರಾಮೆಂತಾಚೆ ಆರಾಧನ್ ಚಲಂವ್ನ್ ವೆಲೆಂ. ಫಿರ್ಗಜೆಚೊ ಪ್ರಧಾನ್ ಯಾಜಕ್ ಮಾ|ಬಾ|ಅನಿಲ್ ಸೋಜಾನ್ ಬಲಿದಾನಾಂತ್ ವಾಂಟೊ ಘೆಂವ್ನ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ. ಹ್ಯಾ ಬಲಿದಾನಾಂತ್ ಸಭಾರ್ ಧರ್ಮ್ ಭಯ್ಣ್ಯೊ ಆನಿ ಅಧಿಕ್ ಮಾಫಾನ್ ಭಕ್ತಿಕ್ ಹಾಜರ್ ಆಸ್ಲೊ.

 

---

---

---

More News

---