ಮಿಜಾರಿನ ಆಳ್ವಾಸ್ ಇಂಜಿನಿಯರಿಂಗ್ ಕಾಲೇಜಿನ ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ವಿಭಾಗದ ವತಿಯಿಂದ ನಾಲ್ಕು ದಿನಗಳ ಬೋಧಕರ ಅಭಿವೃದ್ಧಿ ಕಾರ್ಯಕ್ರಮವು ಜನವರಿ 16 ರಿಂದ 19 ರವರೆಗೆ ಜರುಗಲಿದೆ .
ಎಲೆಕ್ಟ್ರೋ ಸಿಸ್ಟಮ್ಸ್ ಅಸೋಸಿಯೇಟ್ಸ್ ಪ್ರೈ.ಲಿ. , ಬೆಂಗಳೂರು ಇದರ ಸಹಯೋಗದಲ್ಲಿ "ಎಂಬೆಡೆಡ್ ಕಂಟ್ರೋಲರ್ ಪ್ರೋಗ್ರಾಮಿಂಗ್ ವಿತ್ ಹ್ಯಾಂಡ್ಸ್- ಆನ್ ಯೂಸಿಂಗ್ ಕಾರ್ಟೆಕ್ಸ್ M3 " ಎಂಬ ವಿಷಯದಲ್ಲಿ ಬೋಧನಾಭಿವೃದ್ಧಿ ಕಾರ್ಯಾಗಾರವು ಜರುಗಲಿದೆ. ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗವು ಇ ಎಸ್ ಎ ಸಂಸ್ಥೆಯ ಸಂಶೋಧನಾ ಮತ್ತು ಅಭಿವೃದ್ಧಿ ಯೋಜನೆಗಳನ್ನು ಮಾನ್ಯತೆ ಮಾಡಿದೆ .
ಈ ಕಾರ್ಯಾಗಾರದಲ್ಲಿ ಎ ಆರ್ ಎಂ ಕಾರ್ಟೆಕ್ಸ್ M3 ಪರಿಚಯ , ಕೇಯ್ಲ್ MDKARM ಸಾಫ್ಟ್ ವೇರ್ ಪರಿಚಯ , ವಿವಿಧ ಕಿಟ್ ಗಳು ಮತ್ತು ಉತ್ಪನ್ನಗಳ ಪ್ರಾತ್ಯಕ್ಷಿಕೆ ಮತ್ತು ಪ್ರಾಯೋಗಿಕ ತರಬೇತಿಗಳು ನಡೆಯುತ್ತವೆ . ಈ ಕಾರ್ಯಕ್ರಮವು ಇಂಜಿನಿಯರಿಂಗ್ ಕಾಲೇಜುಗಳ ಪ್ರಾಧ್ಯಾಪಕರಿಗೆ, ಸಂಶೋಧನಾ ನಿರತರಿಗೆ ಮತ್ತು ವಿದ್ಯಾರ್ಥಿಗಳಿಗೆ ಉಪಯುಕ್ತವಾಗಲಿದೆ .
ಹೆಚ್ಚಿನ ಮಾಹಿತಿಗಾಗಿ ಕಾರ್ಯಕ್ರಮ ಆಯೋಜಕರಾದ ಪ್ರೊ ತಾನಿಯಾ ಮೆಂಡಿಸ್ ಮತ್ತು ಪ್ರೊ ದೀಪಕ್ ರಾಜ್ ಇವರನ್ನು ಸಂಪರ್ಕಿಸಲು ಕೋರಲಾಗಿದೆ .
