ಕುಂದಾಪುರಾಂತ್ ಸಾಂತ್ ಜುಜೆ ವಾಜ್‍ಚೆ ವಾರ್ಷಿಕ್ ಮಹಾ ಪರಬ್

ಕುಂದಾಪುರ್,ಜ.15: ಸುಮಾರ್ 339 ವರ್ಷಾಂ ಪಯ್ಲೆಂ ಕುಂದಾಪುರ್ ಆಸ್ ಪಾಸ್ ಸೇವಾ ದಿಲ್ಲೊ ಸಾಂ.ಜುಜೆ ವಾಜ್ ಕುಂದಾಪುರಾಂತ್ ಮಾಗ್ಣೆ ಕರ್ನ್ ಆಸ್ತಾಂ, ದೇವ್ ತಾಚ್ಯಾ ಮಾಗ್ಣ್ಯಾಕ್ ಮೆಚ್ವೊನ್ ಸಾಂ.ಜುಜೆ ವಾಜಾಕ್ ಧರ್ಣಿರ್ ಥಾವ್ನ್ ವ್ಹಯ್ರ್ ವಾರ್ಯಾರ್ ಉಭಾರ್ನ್ ಧರ್ಲಿ ಮಹಿಮೆ ಭರಿತ್ ಘಡಿತ್ ಘಡ್ಲೆಂ ಆಸ್ತಾಂ, ಜನವರಿಚ್ಯಾ 14 ವೇರ್ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೈದಾನಾರ್ ಕೊಡಿಯಾಳ್ ಸೆಮಿನರಿಚೊ ಪ್ರಾಧ್ಯಾಪಕ್ ಕ್ಲಿಫರ್ಡ್ ಫೆರ್ನಾಂಡಿಸ್ ಹಾಚ್ಯಾ ಪ್ರಧಾನ್ ಯಾಜಕ್ಪಣಾಖಾಲ್ ಆನಿ ಹೇರ್ ಸಭಾರ್ ಯಾಜಕಾಂ ಸವೆಂ ಸಂಭ್ರಮಿಕ್ ತಶೆಂ ಭಕ್ತಿನ್ ಪವಿತ್ರ್ ಬಲಿದಾನ್ ಭೆಟಂವ್ಚ್ಯಾ ಸವೆಂ ಸಾಂ.ಜುಜೆ ವಾಜಾಚಿ ವಾರ್ಷಿಕ್ ಮಹಾ ಪರಬ್ ಚಲ್ಲಿ.

‘ಖಂಯ್ಚ್ಯಾಗಿ ಏಕಾ ಸಂದರ್ಭಾರ್ ಥೊಡ್ಯಾಂಕ್ ಜೆಜುಚಿ ಮಹಿಮಾ, ಆಮ್ಕಾಂ ಪ್ರೇರಣಾಚೆಂ ಉಗಮ್, ಅಶೆಂ ದೆವಾಚಿ ಮಹಿಮಾ ಥೊಡ್ಯಾಂಕ್ ಲಾಭ್ತಾ, ಅಸಲಿ ಮಹಿಮಾ ಸಾಂತ್ ಜುಜೆ ವಾಜಾಕ್ ದೆವಾ ಥಾವ್ನ್ ಫಾವೊ ಜಾಲಿ. ಅಶೆ ದೆವಾಚ್ಯಾ ಸ್ಪಿರಿತಾನ್ ಭರ್ಲೊಲೊ, ಸಾಂ.ಜುಜೆ ವಾಜ್ ಹ್ಯಾ ಧರ್ಣಿರ್ ಆಪ್ಲ್ಯಾ ರೀತ್ಯಾ ಪಾಂಯಾನಿಂ ಚಲುನ್ ಹ್ಯಾ ಪರಿಸರಂತ್ಲ್ಯಾ ಲೋಕಾಂಕ್ ಆಮ್ಚ್ಯಾ ಮಲ್ಘಡ್ಯಾಂಕ್, ಧಾರ್ಮಿಕ್ ಗರ್ಜ್, ದೆವಾಚಿ ಶಿಕೊಣ್ ದಿಲಾಂ, ಹ್ಯಾ ಪರಿಸರಾಂತ್ಲ್ಯಾ ಮಲ್ಘಡ್ಯಾಂಕ್ ಹ್ಯಾ ವರ್ತ್ಯಾ ಸಾಂತಾಚಿ ಸೇವಾ ಮೋಗ್ ಮೆಳ್ಳ್ಯಾ, ಕಿತ್ಲೆಂ ಭಾಗಿ ತೆಂ ಹಾಂಗಾಚೆ ಮಲ್ಘಡೆ, ಹ್ಯಾ ಪರಿಸರಾಂತ್ಲಿ ತುಮಿಯಿ ಬೋವ್ ಭಾಗಿ ಜಾವ್ನಾಸಾತ್, ಸಾಂ.ಜುಜೆ ವಾಜ್ ಮರಿರಿಯೆ ಮಾಯೆಚೊ ಭಕ್ತ್, ಮರಿಯೆನ್ ಆಮ್ಕಾಂ ಜೆಜು ಕಿತೆಂ ಸಾಂಗ್ತಾ ತೆಂ ಕರಾ ಮ್ಹಳೆಂ, ತಶೆಂಚ್ ಜುಜೆ ವಾಜ್‍ಯಿ ತಾಚ್ಯಾ ಇಮಾಜಿನ್ ತುಮಿ ಜೆಜುಚೊ ಪಾಟ್ಲಾವ್ ಕರಾ ಮ್ಹಣನ್ ಎಕಾ ಹಾತಾಕ್ ಖುರಿಸ್ ಆನಿ ಎಕಾ ಹಾತಾಚ್ಯಾ ಬೊಟಾನ್ ತ್ಯಾ ಖುರ್ಸಾಕ್ ದಾಖಯ್ತಾ, ದೆಕುನ್ ಆಮಿ ದೇಖ್ ಘೆಂವ್ನ್ ಕ್ರಿಸ್ತಾಚಿ ಖರಿ ಜಿಣಿ ಜಿಯೆಂವ್ಯಾ, ಹರ್ಯೆಕಾ ಘರಾಂತ್ ಸಾಂ.ಜುಜೆ ವಾಜಾಚಿ ಏಕ್ ಇಮಾಜ್ ಆಸೊಂದಿ ಮ್ಹಣನ್ ತಾಣಿ ಸಂದೇಶ್ ದಿಲೊ. ಆಸೊನ್ ಹ್ಯಾ ವೇಳಾರ್ ಸಂದೇಶ್ ದಿಲೊ.

ಹ್ಯಾ ವರ್ಷಾ ಕನ್ನಡ ಭಾಶೆನ್ ಬಲಿದಾನಾಚಿ ರೀತ್ ಚಲ್ಲಿ, ಕುಂದಾಪುರ್ ಫಿರ್ಗಜೆಚೊ ವಿಗಾರ್ ತಶೆಂ ವಾರಾಡೊ ವಿಗಾರ್ ವಾರ್ ಮಾ|ಬಾಪ್ ಅನಿಲ್ ಸೋಜಾನ್ ಸಾಂ. ಜುಜೆ ವಾಜಾಚೆ ನೊವೆನ್ ಚಲವ್ನ್ ವೆಲೆಂ. ಕುಂದಾಪುರ್ ಫಿರ್ಗಜೆಚೊ ಸಹಾಯಕ್ ವಿಗಾರ್ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ, ಪ್ರಿನ್ಸಿಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಮಾ|ಬಾ|ಆಲ್ಬರ್ಟ್ ಕ್ರಾಸ್ತಾ, ಜೋನ್ ಆಲ್ಫ್ರೆಡ್ ಬಾರ್ಬೊಜಾ ಅಶೆಂ ವಾರಾಡ್ಯಾಚೆಂ ಅನೇಕ್ ಯಾಜಕ್ , ಸಯ್ರೆ ಯಾಜಕ್, ಧರ್ಮ್ ಭಯ್ಣ್ಯೊ ಆನಿ ವಾರಾಡ್ಯಾಚ್ಯಾ ಹರ್ಯೆಕಾಂ ಫಿರ್ಗಜೆಚೊ ಹಜಾರೊಂ ಭಕ್ತಿಕಾಂನಿಂ ಹ್ಯಾ ಪರ್ಬೆ ಬಲಿದಾನಂತ್ ವಾಂಟೊ ಘೆತ್ಲೊ.

 

---

---

---

More News

---