ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಚಾರ್ ದಿಸಾಂಚಿ ರೆತಿರ್ ಸಂಪನ್ನ್ ಜಾಲಿ

ಕುಂದಾಪುರ್,ಮಾ.2: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಬಿಜಯ್ ಕಾಪುಚಿನ್ ಯಾಜಕಾಂ ಥಾವ್ನ್ ಚಾರ್ ದಿಸಾಂಚಿ ರೆತಿರ್ ಯಶಸ್ವೆನ್ ಸಂಪನ್ನ್ ಜಾಲಿ.

 

ಫೆಬ್ರವರಿಚ್ಯಾ 26 ತಾರೀಕೆ ಥಾವ್ನ್ ಮಾರ್ಚಾಚ್ಯಾ 2 ತಾರೀಕ್ ಮ್ಹಣಾಸರ್ ಚಾರ್ ದಿಸಾನಿಂ ಚಲಲ್ಯಾ ಹಿ ರೆತಿರ್ ಬಿಜಯ್ಚ್ಯಾ ಕಾಪುಚಿನ್ ಯಾಜಕ್ ಮಾ|ಬಾ|ಡೇರಿಕ್ ಡಿಸೋಜಾಚ್ಯಾ ನೇತ್ರತ್ವಖಾಲ್ ಮಾ|ಬಾ|ಲ್ಯಾನ್ಸಿ ರೆಬೆಲ್ಲೊ ಆನಿ ಜವಾಹಾರ್ ಕುಟಿನ್ಹಾ ಉಜ್ವಾಡ್, ದೇವ್ ಆಪವ್ಣೆ, ಭೊಗ್ಸಾಣೆ, ದೆವಾಚೆ ಮೋಗ್, ಕಾಕ್ಳುತ್, ಮಾಗ್ಣೆ, ದಯಾ, ಪಾತಾಕ್, ಕುಮ್ಸಾರ್, ಭೊಗ್ಸಾಣೆ, ಕುಟ್ಮಾ ಜಿವಿತ್ ಅಸಲ್ಯಾ ವಿಷಯಾಂಚೆರ್ ಶಿಕವ್ಣ್, ಪ್ರವಚನ್, ಆರಾಧಾನ್, ತೇರ್ಸಾ ಸಂಗಿ ರೆತಿರ್ ಚಲಂವ್ನ್ ವೆಲಿಂ. ಹ್ಯಾ ರೆತಿರೆ ವೆಳಾರ್ ಮಾನೇಸ್ ಜೋನ್ ಡಿಸೋಜಾ ಫೆರಾರ್ ಹಾಣೆ ಗಾಯನ್ ಆನಿ ಸಂಗೀತ್ ದಿಂವ್ನ್ ಸಂಗಾತ್ ದಿಲೊ.

ಹ್ಯಾ ರೆತಿರೆಕ್ ಫಿರ್ಗಜ್‍ಗಾರಾನಿಂ ಚಡ್ ಆಸಕ್ತ್ ದಾಖವ್ನ್ ಚಡಿತ್ ಮಾಪಾನ್ ವಾಂಟೊ ಘೆತಲ್ಯಾನ್ ಹಿ ಏಕ್ ಯಶಸ್ವೆ ಭರಿತ್ ರೆತಿರ್ ಜಾಂವ್ಕ್ ಪಾವ್ಲಿ. ಫಿರ್ಗಜ್ ವಿಗಾರ್ ಮಾ|ಬಾ| ಅನಿಲ್ ಸೋಜ್, ಸಹಾಯಕ್ ವಿಗಾರ್ ಮಾ|ಬಾ| ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ, ಪ್ರಾಂಶುಪಾಲ್ ಮಾ|ಬಾ| ಪ್ರವಿಣ್ ಎ. ಮಾರ್ಟಿಸ್, ಕೊವೆತಾಂಚಿ ಸಿಸ್ಟರಾಂ, ಆನಿ ಗಾಯಾನ್ ಪಂಗ್ಡಾನ್ ಹ್ಯಾ ರೆತಿರೆಕ್ ಸಹಕಾರ್ ದಿಲೊ. ವಿಗಾರ್ ಬಾಪಾನ್, ಸರ್ವಾಂಚೊ ಉಪ್ಕಾರ್ ಆಟಾಯ್ಲೊ

---

---

---

More News

---