ಮುಂಬಯಿ (ಆರ್‍ಬಿಐ), ಸೆ.17: ಬುಥೆಲೋ ಟ್ರಾವೆಲ್ಸ್ ಮಾಲೀಕ, ಭಾರತ್ ಕೋಚ್ ಬಿಲ್ಡರ್ಸ್ ಪ್ರೈವೇಟ್ ಲಿಮಿಟೆಡ್‍ನ ನಿರ್ದೇಶಕ, ಕ್ರಿಶ್ಚನ್ ಛೇಂಬರ್ ಆಫ್ ಕಾಮರ್ಸ್ ಎಂಡ್ ಇಂಡಸ್ಟ್ರೀಸ್ ಸಂಸ್ಥೆಯ ನಿರ್ದೇಶಕ, ಸಿಟಿಝನ್ ಕ್ರೆಡಿಟ್ ಕೋ.ಆಪರೇಟಿವ್ ಬ್ಯಾಂಕ್ ಲಿಮಿಟೆಡ್ ಮುಂಬಯಿ ಇದರ ಮಾಜಿ ನಿರ್ದೇಶಕ, ವಾಲ್ಟರ್ ಎ.ಬುಥೆಲೋ (70.) ಕುರ್ಲಾ ಪಶ್ಚಿಮದ ಪ್ರೀಮಿಯರ್ ರೋಡ್‍ಇಲ್ಲಿನ ಕೋಹಿನೂರು ಕಾಂಪ್ಲೆಕ್ಸ್ ನಿವಾಸದಲ್ಲಿ ತೀವ್ರ ಹೃದಯಾಘಾತದಿಂದ ಇಂದಿಲ್ಲಿ ಗುರುವಾರ ಬೆಳಿಗ್ಗೆ ನಿಧನರಾದರು.
ಉಡುಪಿ ಜಿಲ್ಲೆಯ ಕುಂದಾಪುರ ಮೂಲದವರಾಗಿದ್ದ ಮೃತರು ಪತ್ನಿ ಪ್ರೆಸ್ಸಿ ಬುಥೆಲೋ (ಸಿಟಿಝನ್ ಬ್ಯಾಂಕ್ ಲಿಮಿಟೆಡ್‍ನ ನಿರ್ದೇಶಕಿ), ಮೂವರು ಸುಪುತ್ರರು ಸೇರಿದಂತೆ ಬಂಧು ಬಳಗವನ್ನು ಅಗಲಿದ್ದಾರೆ.
